Edhe pse 24 orë më parë drejtuesit e Chelsea deklaruan se do t’i ofrojnë një kontratë 5-vjeçare, nga e cila N’Golo Kante do të përfitojë 18 milionë euro, skuadra e PSG-së nuk heq dorë nga ideja për ta sjellë kampionin e botës në Francë. Chelsea i ofroi një rrogë prej 290 mijë stërlina në javë, duke e bërë lojtarin më të paguar, por PSG ka gati të njëjtën ofertë për lojtarin, duke tentuar t’ia rrëmbejë atë skuadrës londineze.
Për trajnerin Thomas Tuchel ai mbetet objektivi kryesor i merkatos dhe kërkon ta sjellë me çdo kusht në Paris. “Nuk preferoj të flas për lojtarët që janë në skuadrat e tjera. Unë nuk e di se çfarë do të bëjë klubi”, tha Tuchel në lidhje me afrimin e mundshëm të Kante te skuadra e PSG-së. Por francezët synojnë të barazopjnë ofertën e Chelsea për të bërë të mundur transferimin e lojtarit të Chelsea, pasi e konsiderojnë mesfushorin më të mirë në botë./telesport
